浪蕩天涯

二喬推特

二喬工作室網頁：

二喬工作室，提供不同類型文字，助你增廣見識，擴闊眼界：

DSE應試路路通http://2kiu-workshop.blogspot.com/
二喬語文隨筆http://2kiu-language.blogspot.hk/

二喬通識閱讀http://2kiu-ls.blogspot.hk/

浪蕩天涯逍遙天下http://2kiu-workshop-travel.blogspot

2019年9月10日星期二

薩拉熱窩聞見記：斯雷布雷尼察屠殺展覽館

展覽館位於薩拉熱窩舊城區一處唔太顯眼嘅地方，由於街上有清晰指示，只要細心搵並唔難搵到。

斯雷布雷尼察(Srebrenici)係咩地方？呢個係一個位於波斯尼亞東部嘅小鎮，當地居民以伊斯蘭教徒為主，佢地同當地嘅塞族人一直和平相處。南斯拉夫內戰爆發，由於斯雷布雷尼察嘅戰略地位，呢處成為塞族同伊斯蘭教徒爭奪嘅主要戰場。後嚟聯合國接管此區，並喺當地設立難民營，難民營由荷蘭軍隊負責保安工作。一切看似平看無事，可是喺1995年7月，呢度竟然發生現代史上最慘無人道嘅大屠殺。

當年7月，幾萬名塞族部隊包圍難民營，並向荷蘭部隊要求接管難民營，當時營內有600荷蘭軍隊，指揮軍官見人數懸殊，竟然答應塞族部隊嘅要求。塞族部隊入營後開始槍殺難民營內嘅穆斯林，並壓送其餘男性穆斯林到不同地方展開大屠殺，營內嘅婦孺慘遭強姦虐打，只有少數人徒步走到波斯尼亞自由區才幸免於難，當時距離波斯尼亞內戰結束尚有三個月！事後統計，最少8000人死於大屠殺之中。20年嚟當地陸續發現亂葬崗，由於距離大屠殺已有一段日子，死者嘅身分只能靠DNA辨認！
塞族部隊嘅獸行當然令人髮指，但荷蘭部隊嘅懦弱亦令人憤慨。弱小族群常希冀外國幫忙，斯霤布雷尼察嘅慘劇，反映外國勢力也不一定可靠！

筆者雖然沒有親身到過斯雷布雷尼察，但展覽館展示左呢段悲痛嘅歷史，望住展館內死難者嘅名字同相片，想起當時難民營內嘅慘況，不禁黯然神傷。

展覽館牆上刻上死難者嘅名字

展覽館亦掛滿左部分死難者嘅相片

館內另一角落展示薩拉熱窩市喺內戰時嘅海報，當中不少是薩拉熱窩居民乞求國際勢力施以援手，其中一張森姆大叔為主角嘅海報令筆者留下深刻印象，海報明確表達薩拉熱窩軍民期盼美帝出手相助。呢種絕望嘅呼喚，今時今日嘅香港人可能亦有同感！

內戰期間，薩市區民祈求美國伸出援手

雖說外國勢力未必可靠，波斯尼亞人嘅呼號最終得到歐盟同美國嘅注意，內戰後期，歐盟同美國派戰機轟炸塞族部隊同南斯拉夫軍事要塞，持續而精準嘅轟炸間接令內戰提早結束。
外國勢力，有時又會令絕望者見到一線曙光！

文、圖：多羅羅

#斯雷布雷尼察

#大屠殺
#聯合國荷蘭軍隊

請到二喬工作室面書讚好此文：
https://www.facebook.com/yikiuworkshop/

二喬推特

二喬工作室網頁：

二喬工作室，提供不同類型文字，助你增廣見識，擴闊眼界：

DSE中國語文應試路路通http://2kiu-workshop.blogspot.hk/

二喬語文隨筆http://2kiu-language.blogspot.hk/

二喬通識閱讀http://2kiu-ls.blogspot.hk/

2019年8月26日星期一

薩拉熱窩聞見記：假日酒店

喺薩拉熱窩嘅大街上，有一座耀眼嘅黃色建築物，呢座喺假日酒店(Holiday Inn)。
假日酒店見證左薩拉熱窩最輝煌同最悲慘嘅一段歷史。1984年薩拉熱窩主辦冬季奧運，呢座新建成嘅豪華酒店喺冠蓋雲集嘅地方。1992年內戰爆發，外國記者到呢座孤城採訪，大部分在假日酒店落腳。當時假日酒店外嘅大街係殺戮戰場，塞族狙擊手從山上放冷槍射殺路過途人嘅片段不時發生，酒店內嘅記者見證左一幕又一幕血腥鏡頭。
內戰期間酒店受到一定嘅損傷，內戰後酒店經翻新繼續營業，酒店老闆刻意保持酒店原貌，並改名Hotel Holiday。今日除了入住嘅旅客外，酒店亦成為其他遊客打卡嘅熱點。

文、圖：多羅羅

#薩拉熱窩

#假日酒店
#Holiday Inn
#Hotel Holiday

請到二喬工作室面書讚好此文：
https://www.facebook.com/yikiuworkshop/

二喬推特

二喬工作室網頁：

二喬工作室，提供不同類型文字，助你增廣見識，擴闊眼界：

DSE中國語文應試路路通http://2kiu-workshop.blogspot.hk/

二喬語文隨筆http://2kiu-language.blogspot.hk/

二喬通識閱讀http://2kiu-ls.blogspot.hk/

2019年8月23日星期五

薩拉熱窩聞見記：希望隧道

喺波斯尼亞國際機場旁，有一條近一公里嘅隧道，呢條隧道係南斯拉夫內戰期間，薩拉熱窩軍民喺炮火瀰漫中挖掘，作用是打通薩市同自由區之間嘅通道。

筆者喺前文已提過，南斯拉夫內戰爆發初期，塞族武裝份子已佔據薩拉熱窩山區，薩市被圍得滴水不漏，薩市軍民苦苦支撐，軍火糧食日漸短缺，除非有外來補給，城破係遲早之事。塞族部隊係唔會容許薩市有外來嘅補給，薩市軍民得想辦法打開一條通道。

當時薩拉熱窩機場由聯合國部隊控制，機埸外屬波斯尼亞自由區(見附圖)，波斯尼亞嘅軍民決定偷偷挖掘一條隧道，最後佢地選中左機場附近嘅一座民居，決定喺民居下偷挖一段隧道。

地圖上紅色嘅地方係塞族武裝部隊所控制，
波斯尼亞軍民設法打開一道缺口

當年薩市軍民就係呢座民居地下挖隧道

隧道穿越機埸跑道直達自由區，自由區嘅波斯尼亞人就把軍火物資通過隧道運入薩市，呢條通道就似一條輸血管，為薩市軍民對抗塞族部隊提供種種物資直至戰爭結束。呢段隧道為危在旦夕嘅薩拉熱窩市民帶嚟希望，所以當時人稱之為「希望隧道」。

今天內戰已結束廿多年，「希望隧道」現已成為一所博物館，館展示內戰時嘅資料，當局開放左其中一段幾十米嘅隧道，遊客可走一趟，親身體驗一下呢條「希望隧道」！

遊客今天可走一段短短嘅希望隧道

文、圖：多羅羅

#薩拉熱窩

#希望隧道

請到二喬工作室面書讚好此文：
https://www.facebook.com/yikiuworkshop/

二喬推特

二喬工作室網頁：

https://www.youtube.com/watch?v=sJFX9OFhpBg&feature=share&fbclid=IwAR2scG0slirvi4te3gYHQbVA1Clb6RBb6oQu2FPUgkjoEc5guyGcVbbJ9BI

二喬工作室，提供不同類型文字，助你增廣見識，擴闊眼界：

DSE中國語文應試路路通http://2kiu-workshop.blogspot.hk/

二喬語文隨筆http://2kiu-language.blogspot.hk/

二喬通識閱讀http://2kiu-ls.blogspot.hk/

2019年8月21日星期三

薩拉熱窩聞見記：薩拉熱窩的紅玫瑰

在薩拉熱窩閒逛，唔難發現地上會有一些紅色仿似玫瑰嘅圖案。大家唔好誤會呢啲係當代藝術畫，當中每朵玫瑰都記載着血淚交織嘅故事。

話說內戰期間，塞族武裝份子估據左薩拉熱窩山區。地理上薩市係一盆地，四面被群山包圍，武裝份子佔據山區意味城內嘅波斯尼亞人處於捱打狀態。塞族份子佔據山區採取圍而不攻嘅策略，佢地從山區炮轟市中心，又不時放冷槍狙擊市內嘅居民，希望慢慢消磨市內居民嘅士氣，不少薩市居民出外購物同取水時往往成為狙擊手嘅點心！

波斯尼亞獨立後，政府為紀念遇難者，佢地係遇難者喪生嘅地方畫上紅色嘅圖案，紅色象徵遇難者嘅鮮血。由於圖案同玫瑰有點相似，故人稱之為「薩拉熱窩的紅玫瑰」。薩市地上嘅玫瑰，每朵都交織着血與淚！

槍手無差別向手無寸鐵者射擊嘅畫面，不知何故，最近經常係筆者腦海湧現，當中嘅情景，同樣係交織着血與淚！

文、圖：多羅羅

#薩拉熱窩

#紅玫瑰

#薩拉熱窩的羅密歐與茱麗葉

PS 多謝有網友係面書轉貼鄭秀文嘅《薩拉熱窩的羅密歐與茱麗葉》MV，呢首歌同一件真人真事有關，當年一對居於薩市嘅小情侶，為逃避戰火打算逃離呢座危城，結果被無情嘅狙擊手射殺。

請到二喬工作室面書讚好此文：

二喬推特

二喬工作室網頁：

二喬工作室，提供不同類型文字，助你增廣見識，擴闊眼界：

DSE中國語文應試路路通http://2kiu-workshop.blogspot.hk/

二喬語文隨筆http://2kiu-language.blogspot.hk/

二喬通識閱讀http://2kiu-ls.blogspot.hk/

2019年8月20日星期二

薩拉熱窩聞見記：毀滅一個城市好容易

薩拉熱窩今貌，可見街道寬闊整潔

近嚟心緒不寧，腦海中成日出現民初某位詩人嘅詩句：「近來心事亂如麻，想起國事XXX」，胡思亂想中，竟然浮現左旅遊薩拉熱窩(Sarajevo)嘅畫面。

薩拉熱窩雖然唔係歐洲一線城市，但佢嘅名氣唔細，城市整潔，環境優美，輮合左基督教同伊斯蘭教嘅文化；呢座城市亦背負左沉重嘅歷史包袱，1914年奧匈帝國皇儲斐迪南夫婦在薩城被塞爾維亞刺客所殺，結果引致第一次世界大戰。

斐迪南夫婦被暗殺嘅拉丁橋

二次大戰後南斯拉夫聯邦成立，薩拉熱窩屬南斯拉夫聯邦中波斯尼亞共和國嘅首府。1984年薩市主辦冬奧，係薩拉熱窩最風光嘅一刻，世人認識到東歐有一座咁美麗嘅城市，當地人亦以舉辦冬奧為榮。可惜好景不常，1992年前南斯拉夫爆發內戰，塞爾維亞武裝分子為左維持一個大一統嘅南斯拉夫，對其他族群如克羅地亞族和回教徒無差別攻擊，居於薩拉熱窩嘅主要係回教徒，佢地奮起還擊，雖然武力唔對等(塞族部隊擁有蘇式精良武器，回教徒只有槍枝)，薩拉熱窩被塞族部隊四面圍城，居民幾乎彈盡良絕但仍苦苦支撐四年。1996年南斯拉夫各族和解，結果係南斯拉夫分裂成六國，薩拉熱窩現成為波斯尼亞嘅首都。

內戰雖然已結束左廿幾年，但戰爭嘅痕跡仍隨處可見，市內唔少建築物仍留低子彈窿或炮孔。筆者印象最深係冬奧雪橇賽道，彎彎嘅賽道已成頹垣敗瓦，周圍雜草叢生，較完整嘅噴滿塗鴉。筆者同友人在賽道上遊走，擺出唔同姿勢留念，興奮過後卻湧上一陣荒涼嘅感覺：原來毀滅一座城市，係咁輕而易舉嘅事。

冬奧遺跡

毀滅一座城市其實唔難，只要有兩種天下無敵嘅武器就成：愚蠢同專制。當年塞族好戰份子唔係愚蠢到以為武力可解決一切，又點會生靈塗炭？南斯拉夫政府唔係迷信一黨專權係靈丹妙藥，又點會令這座城市毀滅呢？

大家不妨對號入座，看看東方某座大城市如何走入毀滅之路！

文、圖：多羅羅

#薩拉熱窩
#南斯拉夫內戰
#1984冬奧

請到二喬工作室面書讚好此文：

二喬推特

二喬工作室網頁：

二喬工作室，提供不同類型文字，助你增廣見識，擴闊眼界：

DSE中國語文應試路路通http://2kiu-workshop.blogspot.hk/

二喬語文隨筆http://2kiu-language.blogspot.hk/

二喬通識閱讀http://2kiu-ls.blogspot.hk/

2019年7月18日星期四

Be Water：波斯尼亞的李小龍像

屹立於Mostar的李小龍銅像

#BeWater#李小龍#Mostar#波斯尼亞

遠在香港千里以外的波斯尼亞莫斯塔爾市(Mostar)，市內樹立了一尊香港人熟悉的李小龍銅像。筆者去年到Mostar旅遊，向當地人查詢銅像的位置，幾乎無人不識，可見李小龍十分受當地人歡迎！

1992-95年南斯拉夫內戰期間，Mostar是主要戰場，它和其他波斯尼亞的戰場有點不同，這裏不單是回教徒和塞族決戰的地方，而是穆斯林、塞族、克羅地亞三族混戰的場所。雖然內戰結束已二十年，但踏足此地仍隨處可見頹垣敗，你可想像當年戰況是多麼慘烈！

Mostar舊城區著名的古橋，橋於內戰中遭徹底破壞，
圖中所見為戰後重建的古橋

Mostar隨處可見殘破的建築物，
建築物外牆的彈孔仍清晰可見

戰爭結束後，當地人想樹立一尊名人銅像來展現三族「大和解」，但礙於宗教和種族的理由，三方始終無法達成共識，由於當地人對李小龍的電影及武打精神非常仰慕，於是有人提議樹立李小龍像，令人驚訝的是三方對樹立銅像都沒有異議。今天，李小龍像成為了三大族群和解的象徵。

筆者不是李小龍迷，老實說去年找李小龍銅像也是湊湊熱鬧，當時實在沒有甚麼特別的感覺。最近李小龍的名言BeWater傳遍香江，筆者重看去年的照片，不其然感慨良多。當年波斯尼亞的情況比今天的香港更複雜更惡劣，但最終也能和解共存，這正好印證了李小龍Be Water的精神：沒有事情是解決不了的，大家要如水般因地制宜，來去無蹤，「天下莫柔弱於水，而攻堅強者莫之能勝，其無以易之」。對於高牆，我們不必變成雞蛋和它硬碰，化身成為表面柔弱的water，不斷對高牆沖刷，終有一天城崩牆破。不知年輕人可否感受箇中的真義？

So, be water my friend !

文：Jack Au

圖：Jack Au(攝於Moaster)

請到二喬工作室面書讚好此文：

二喬推特

二喬工作室網頁：